ಕೊಡವ ಕವನ - ಚೆಟ್ಟೋಳಿರ ಶರತ್ ಸೋಮಣ್ಣ

*ಬಾ ನೋಟ್ ನಂಗಡ ಕೊಡವ ನಾಡ್*

ಬಾ ನೋಟ್ ನಂಗಡ ಕೊಡವ ನಾಡ್,
ವೀರಂಗ ಪುಟ್ ನ ಈ ನಾಡ್,
ವೀರ ಭೂಮಿಂದ್ ಕೇಳಿ ಪಟ್ಟ ಈ ವೀರನಾಡ್,
ಬಾ ಒಮ್ಮ ನೋಟ್ ನಂಗಡ ಕೊಡವ ನಾಡ್.

ಕಾವೇರಿ ಇಗ್ಗುತಪ್ಪಂಡ ಆಶೀರ್ವಾದತ್ ರ  ಈ ನಾಡ್,
ಆಸೆ ಪ್ರೀತಿರ ನಂಗಡ ನಾಡ್,
ಸ್ವಾಭಿಮಾನತ್ರ ಈ ಗೂಡ್,
ಬಾ ಒಮ್ಮ ನೋಟ್ ನಂಗಡ ಕೊಡವ ನಾಡ್.

ಪ್ರಕೃತಿರ ಸೌಂದರ್ಯ ಈ ನಾಡ್,
ಜೀವನತ್ ಒಮ್ಮ ನೋಟೊಂಡು ಈ ಮಲೆನಾಡ್,
ನಂಗ ಪುಟ್ಟಿ ಬೊಳ್ಂದ ಪುಣ್ಯ ನಾಡ್,
ಬಾ ಒಮ್ಮ ನೋಟ್ ನಂಗಡ ಕೊಡವ ನಾಡ್

ಪೊನ್ನ್ ತೇನ್ ಚೋದ್ ರ ಈ ನಾಡ್,
ಬೆಟ್ಟ ಗುಡ್ಡ ಮಂಜ್ರ ಈ ನಾಡ್,
ಕೊಡವಡ  ಪೊನ್ನ್ ನಾಡ್,
ಬಾ ಒಮ್ಮ ನೋಟ್ ನಂಗಡ ಕೊಡವ ನಾಡ್.

✒ *ಚೆಟ್ಟೋಳಿರ ಶರತ್ ಸೋಮಣ್ಣ*